Հազը ռեֆլեքս է, որն իրենից ներկայացնում է օրգանիզմի ինքնաբուխ, ավտոմատ արձագանք: Ինչպես մյուս ռեֆլեքսները, ինչպիսիք են, օրինակ` փռշտալը կամ թարթելը, հազն օգնում է պաշտպանել մարմինը, տվյալ դեպքում՝ պաշտպանել շնչուղիները գրգռիչներից: Մեր շնչուղիները հագեցած են նյարդերով, որոնք հայտնաբերում են գրգռիչներին և ազդանշան ուղարկում դեպի ուղեղ: Ի պատասխան՝ ուղեղն ազդանշան է ուղարկում կրծքավանդակի պատի և որովայնի մկաններին՝ արագ և ուժգին խորը շունչ քաշելու համար, որին հաջորդում է արագ և ուժգին արտաշնչումը՝ ուղղված գրգռիչի հեռացմանը: Այս օգտակար և գրեթե ակնթարթային արձագանքը կոչվում է հազ:
Հազալը կարող է օդն ու մասնիկները դուրս մղել շնչուղիներից ժամում մինչև 50 մղոն արագությամբ: